Në Fushat e Flandërs

                                                                                          Translated by Aneta Xhiku

Në fushat e Flandërs valëzojnë lulëkuqet,

Mes kryqeve që, rresht pas rreshti,

Shenjojnë vendbanimin tonë.

Fluturojnë laureshat e ende guxojnë t’ia marrin këngës,

Që nga gjëmimi i topave mezi dëgjohet këtu poshtë.

 

Ne kemi vdekur. 

Pak ditë më parë qemë gjallë,

Prisnim agimin, shijonim perëndimin vezullues; deshëm dhe na deshën. 

Por tani jemi shtrirë në fushat e Flandërs.

 

Vazhdoni luftën me armikun,

Duarprerë pishtarin u lëmë pas.

Tani është juaji, mbajeni lart!

Nëse na prisni në besë ne të vdekurve,

Sy nuk do të mbyllim,

Ndonëse lulëkuqet do vazhdojnë të çelin në fushat e Flandërs.

  • YouTube Social  Icon
  • Facebook Social Icon
  • Twitter Social Icon