top of page
Фландрин кого нырвлä лошты
Фландрин кого нырвлä лошты
Якшар макы кушкеш рошток.
Шукы хрестӹ – тидӹ мä
Вырсеш ямынна цилäн.
Кеквлä мырат пӹлвлä лошты.
Мä коленнä. А тенгечӹ
Яратеннä. Анжен кечӹ.
Кӹзӹт мä киэнä тиштӹ –
Фландрин кого нырвлä лошты.
Тӹньӹн жепет шон кредäлäш,
Кидӹшкет пичäлӹм нäлäш.
Мäмнäн кид гӹц. Вуйым кÿш!
Ӹлет тӹньӹ - ак кел лÿдäш!
Ӹнян ли! Пеледеш макы.
Курым мыч амалаш ак ли
Фландрин кого нырвлä лошты.
Перевела на горномарийский язык Татьяна Иванова.
bottom of page